![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Vetëm pak ditë pas ekzekutimit mafioz të Bledar Muçës në Antverp, një tjetër shqiptar ka humbur jetën në Belgjikë në rrethana shumë të dyshimta. Ai është gjetur i vdekur në Roeselare, në një bllok apartamentesh në qendër të qytetit.
Shërbimet e urgjencës u lajmëruan në orën 5 të mëngjesit të së mërkurës. Kur ata shkuan në vendngjarje, zbuluan trupin e një 38-vjeçari në fund të një shkalle.
Fqinjët deklaruan se dëgjuan një zhurmë gjatë natës rreth orës 4:30 të mëngjesit. Disa banorë shkuan për të parë dhe gjetën trupin e një burri në fund të shkallëve.
“Burri kishte lëndime në pjesën e pasme të kokës”, tha prokurori Tom Janssens, raportojnë mediat belge.
“Ne e konsiderojmë këtë si një vdekje të dyshimtë dhe jemi në pritje të rezultateve të para të hetimit” tha njëri prej ekspertëve kriminalistikë, të cilët bënë mbikqyrjen e vendit të ngjarjes dhe po hetojne për zbardhjen e shkaqeve të saj.